Refranes sefardíes

• El amigo ke no ayuda y el kuçiyo que no korta, ke se piedran poco emporta. – (El amigo que no ayuda y el cuchillo que no corta, que se pierdan poco importa)
• Kien kome i suda, no tiene kalyentura. – (Quien come y suda, no tiene calentura)
• El peşe esta en la mar i eyos ya fizieron bazar.
• Pujados ke no amenguados. (Muchos y no tristes).
• Munços me dieron i munços me daran, ¡guay! kuando de mi no ay. – (Muchos me dieron, muchos me darán, «ay de mí» cuando no dé).
• Kien munço se lo pyensa non se va en Yeruşalayim.
• El meoyo del adam es una tela de sevoya. – (El cerebro del hombre es una tela de cebolla). Hace alusión a la debilidad humana. Meoyo, meolyo – seso, juicio. Cerebro
• Kada uno konose las koles de su guerta. – (Cada uno conoce las coles de su huerta)
• Fyero ke da al vidro, ¡guay del vidro! Vidro ke da al fyero, ¡guay del vidro!-(Fierro que golpea al vidrio, ¡Ay del vidrio!, Vidrio que golpea al Fierro, ¡Ay del Vidrio!) Alude a una pelea o situacion perdida de una manera u otra.
• Pan ke ayga en el sesto, ke sea blanko, ke sea preto. – (Pan que haya en el cesto, que sea blanco, que sea moreno)
• Şabat lo aharvaron, Alhad yoro – (El sábado lo golpearon, el domingo lloró). – Hace alusión al respeto, irónicamente, que los judíos tienen por el sábado.
• Kaveza abokada no le akoza filo de espada.
• El ke munço se aboka, el kulo amostra.
• El ke se eça kon kriyaturas se alevanta pişado. (Quien se acuesta con niños amanece meado). Hace alusión a evitar involucrarse en negocios o planes con jóvenes.
• El ke se eça kon gatos se alevanta areskunyado. (Quien se acuesta con gatos, arañado se levanta)
• La ida esta en mi mano, la vinida no se kuando.
• No digas mal del dia fista ke escurese.
• Kien del rey se kome la gayina flaka, godra la paga.
• Kien de ajenos vestira, en medyo de la kaye le kitaran.
• El mosafir no kome, ma la mesa se kompone. Mosafir (del turco misafir): viajero
• La tizna dize a la kaldera, ¡vate! ¡vate!, ke sos preta.
• El dia ke no barri, vino kien no asperi.
• Amigos i hermanos semos, a la bolsa no tokemos.
• Lo ke fazes kon tu mano, no lo faze ni tu ermano.
• Kada kualo kere yevar el agua a su muelino, i deşar en seko el del vizino.
• El ke se kema kon la çorba, asopla en el yoğurt. (Quien se quema con la sopa, sopla en el yogurt).
• Gayegos semos i no mos entendemos. (Gallegos somos y no nos entendemos).
• Nadie save del mal de la oya, mas ke la kuçara ke la menea.
• Aremyenda tus panyos, los yevaras sien anyos.
• Lo ke tienes de fazer el Martes, fazelo el dia de antes.
• No digas ¡höşt! al perro, ke te modre.
• Kada gargajo a su paladar es savrozo.
• Lo ke no pari, ke no kreşka.
• De boka en boka la pulga se fizo gamelyo. Gamelyo – camello.
• Bueno, barato i kon las paras en la mano. – Paras – dinero.
• Kulevra ke no modre, ke biva mil anyos.
• Biva el devdor ke la devda esta en pyes.
• Komo turko ke se eço a bever.
• Al sultan, un yeşil yaprak. Yeşil – verde, Yaprak – hoja. Hace alusión a la insignificancia de ciertos regalos.
• Por la kaveza fyede el peşe.
• Basta ke es mi nombre Abravanel, alevanto la colça y me eço sin komer.
• Kien no tenga meoyo, kale ke tenga paças. Paças – Patas. Kaler – ser necesario, ser preciso. Meoyo, meolyo – seso, juicio. Cerebro
• El rey se eço kon mi madre, ¿a kien reklamo?.
• Abolta, abolta, komo rueda de muelino. Aboltar – tornar, volver, voltear.
• Mar i guerta, ke no ay buelta.
• Toma haber, sube un eskalon, toma mujer abaşa un eskalon. Hace alusión a que se busque un socio de mejor nivel social y una mujer de clase inferior.
• ¿Para ken es esta paparrona? Para mi senyora suegra. ¿Para ken es esta paparrica? Para mi nuera. – Paparrona – aumentativo de patata. Paparrica – diminutivo de patata. Hace alusión al trato inequitativo entre suegras y nueras.
• Ken no esta ambezado a yevar bragas, la kostura le faze yaras. – Bragas – Pantalón, Yaras – llagas.
• Kien ve al guerko, le keda el cesto. – Guerko – Diablo, infierno. Cesto – gesto.
• ¿Para ke keres las paras? ¿Para la vejez o la mensevez? – Paras – dinero, Mensevez – mancebez, juventud.
• Lo ke no se faze el dia de la boda, no se faze a ninguna ora.
• Kon kaza yena, presto se giza la sena.
• Vos te fraguas kastiyos en Sefarad (España) – Hace referencia a hacerse de falsas ilusiones.
• ¡Guay! de la barka ke tiene munços kapitanes.
• Asegun la barka, biene la fortuna. – Fortuna (del turco fırtın – tormenta, percance, sinsabor, infortunio).
• Munços i buenos anyos i de novia ke te veyamos. – Fórmula de agradecimiento que se da a las jóvenes casamenteras.
• Yo se un salmo, el hazán save dos. – Hazán – Cantor de la sinagoga.
• Entre toma el gayo y daka el gayo kedan plumas en la mano.
• En lo escuro todo es uno.
• Saporta al ke nada le emporta.
• Besa la mano ke keres ver kortada.
• El Dio da barva onde no ay keşada.