NO MAS…..BASTA !

Sharope blanko 18.7.2008

Keridos Amigos i mis Amigitas

Dospues de publikar en muestro foro el eskrito
ke mi kerido i estimado Dr. Aron Zavaro mos
mando sovre Guilad Shalit, sekestrado dayinda
dospues de kuatre anyos en su prizyon dezgrasyada
i ken save en ke hal, por seguro ke me se partyo
el korason i me topi kon lagrimas…

Vos prezento aki abasho una poziya miya ke aviya
eskrito por los dos mansevikos, en Ganeden agora,
mensyonados en el eskrito i ke los mallogrados de
Hisbullah mos tornaron en kashas, malgrado ke mos
aviyan apprometido ke seriyan remetidos sanos i
rezyos ! Ke malas horas…. Ke desepsyon !

NO MAS…..BASTA !

Oy, diya de luto
tan amargo de todos los djudyos
Oy, diya ke arondjamos dulses palavras
i no mas kreyemos
No mas keremos oyir
mintiras de boka de los asasinos
Enterramos muestros ermanos,
muestro orgulyo, muestros ijos !

Oy, todo un puevlo yora,
mano en la mano djudyos kaminan..
Los kaminos son largos,
el mal en el korason, no avlan
Sus silensyos son los biervos
ke no tienen fuersa de salir
Israel se kaya, sus alas en sangre,
sus ijos kedaron de bivir !

La tierra risive oy
dos puerpos mutilados, mansevos de Tsion
Muestros soldados valyentes
de la armada de muestra nasyon
Mansevos fuertes, ermozos, riyendo,
kada uno la glorya de Tsahal
Bendichos komo la agua del Kinereth,
komo la azete del kal !

Santo Bendicho en los Sielos,
oye muestras orasyones !
No los deshes fiestar de muestro luto,
vengate de sus sangres!
No les des mas el poder
de matar los ijos de Tsion por nada
Muestros keridos estan en la Tierra Santa
sin dolor mas, ma sin vida.

Sharope blanko
18.7.2008

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: